कस्तो बिडम्बना !

अंक १०९ ने. सं. ११३३ गुंलागा चतुर्दर्शी बुधवाः २०७० भाद्र १९ गते बुधवार Sep -4 2013

कस्तो बिडम्बना !
 
गोपाल लामा

कस्तो बिडम्बना जसले ताम्सालिङ बारे बुझेको छ उसले नेतृत्वदायी भूमिका निर्बाह गर्न सकेन र तामाङ नेताहरू पनि एक अर्कासँग नमिलेर ताम्सालिङको आन्दोलनलाई माथि उठाउन सकेन अनि जसले बुझेको छैन ति सबै एमाले, कांग्रेसको पुच्छर बनेर एकोहोरो बिरोध गरिरहेको छ । जता हेरे पनि तामाङहरू सबैतिर विभाजित छन् र ताम्सालिङ बारे पनि अनभिज्ञ छन त्यसैले ताम्सालिङ प्रति सबैको गिद्दे नजर परेको छ । ताम्सालिङ हुने नै भए पनि तामाङहरूलाई विभाजित   गरेर नाम मात्रको सामथ्र्य विहिन ताम्सालिङ बनाउने ठूलो षडयन्त्र गरिरहेको छ भित्र भित्रै सबै दलहरू तर बहुसंख्यक तामाङहरू ति कुरा प्रति बेखबर छन् ।    

सांघुरो चेतनाका घेराहरू तोडेर बाहिर आउन सकिरहेको छैन तामाङहरू त्यसैले फेरि पनि इतिहासले दिएको स्वर्णिम अवसरलाई सहि सदुपयोग गर्नबाट चुक्दै छन् । जसको सिधा असर अब आउने तामाङ पुस्ताहरू माथि पर्नेछ र उनीहरू पनि हामी जस्तै गरीबी अवस्थामा विदेशतिर गुलामी गर्न बाध्य हुनेछन् । मेरो त आग्रह हो सम्पूर्र्ण तामाङहरूलाई कि आउनुहोस एक ठाउँमा गोलबद्ध भएर ताम्सालिङ प्राप्तिको लडाईमा सहभागी हौ अनि एउटा सुन्दर ताम्सालिङ प्रदेश निर्माण गरौ ताकि हामी मरेर गए पनि हाम्रो आउँदो सन्ततिहरूले हामी माथि गर्व गर्न सकोस् । यो आव्हान खाली तामाङहरूको लागि मात्र नभई ताम्सालिङ भूमिमा बस्ने तामाङ बाहेक अन्य सबै ताम्सालिङबासी हरूलाई पनि हो किनकी यदि ताम्सालिङ भूमिमा बस्ने तामाङ बाहेक अन्य सबै ताम्सालिङबासी हरूलाई पनि हो किनकी यदि ताम्सालिङ बन्यो भने सम्पूर्ण ताम्सालिङबासीको जीवन स्तर परिवर्तन हुनेछ । ताम्सालिङ विकास हुनु भनेको नेपाल विकास हुनु हो । त्यसैले त हामी भन्छौं नेपाल हाम्रो देश हो, ताम्सालिङ हाम्रो घर हो ।