आत्म सन्तुष्टी मिल्छ .... रत्न सम्भव शाक्य, डल्लु काठमाडौं
गायन कला आवाज मात्र होईन, मातृभाषा कला संस्कृती र संस्कारको जगेर्ना पनि हो । चर्चित गायक रत्न सम्भव शाक्यसंगको छोटा संवाद
१.के गर्दै हुनुहुन्छ ?
—भरखरै पेज थ्री अवार्ड ११४२ को सांगीतिक प्रतियोगितामा “छ वःगु खनेवं मन जिगु चं चं धाःथें च्वं” गीतबाट उत्कृष्ट आधुनिक युगलगीत नोमिनेसनमा परेको छु, जुन गीतलाई मैले र प्रतिमा बज्राचार्यले गाएको थिएँ । त्यहि गीतलाई म्युजिक भिडियो निर्माण गर्ने तरखरमा छु ।
२.कति वर्ष भयो यहाँले गायन कला अंगाल्नु भएको ?
—मैले ६ वर्ष भयो गाउन थालेको मेरो पहिलो गीत हो “गनवने त्यना मय्जु गाच्व ब्वयकाः” अमृतरत्न शाक्यको रचना, सुरनेमान शाक्यको संगीतमा मैले गाएको थिएँ ।
३.गायन कला क्षेत्रमा लागेर के हासिल गर्नु भयो ?
—मुख्यत आत्मा सन्तुष्टीनै ठूलो उपलब्धी हो । सानै देखिन गायन विधा मनपर्छ त्यसैलाई पुरा गर्दै छु ।
४.धेरै संघ संस्थाले अवार्ड कार्यक्रम गर्दै छन्, तपाईंको धारणा ?
—अवार्ड कार्यक्रम धेरै राम्रो हो । यसले गर्दा कलाकर्मीहरुलाई प्रतिभा प्रस्तुत गर्ने मौका साथ हौसला प्रदान गरेको छ । छनोट हाम्रो होइन राम्रो छान्नु पर्छ भन्ने मेरो धारणा ।
५.गायन विधामा हुनुपर्ने ज्ञान ?
—सुर ताल र रसको ज्ञान हुनु जरुरी छ ।
६.पैसा खर्च गर्न सके गायक गायीका बनिन्छ रे यस्मा तपाईं सहमत हुनुहुन्छ ?
पैसाले गीत गायीने हैन प्रतिभाले गाउँछ संगीत ज्ञान प्राप्त गरे पछि मात्र गायक गायीका हुने सौभाग्य मिल्छ ।
७.म्युजिक भिडियो किन निर्माण गरिन्छ ?
—वर्तमान समयको माग हो । भिडियोको जमाना आयो, बाध्यताले आफ्नो प्रतिभा दर्शकसम्म पु¥याउन भिडियो निर्माण ग¥यो ।
८.तपाईंको पहिलो गीत गाच्व ब्वयकाः भिडियो प्रसारण पश्चात कस्तो रेस्पोन्स पाउनु भयो ?
—म्युजिक भिडियो प्रसारण पश्चात धेरै दर्शकहरुले राम्रो गीत हेर्न पायो भन्दै स्यावासी दिनु भयो जीवनमै ठुलो काम गरेको महसुस भयो । अवको भिडियो पनि नौला स्वादमा निर्माण गर्ने योजना छ ।
९.म्युजिक भिडियो निर्माणको झन आर्थिक भार परेन ?
—आर्थिक लाभ मात्र सबै होईन, लोपहुन लागेको मातृभाषाको जगेर्णा पनि एक प्रकारको भाषिक आन्दोलन हो । समयमा बचाउन सकेन भने जातिय अस्तित्वनै समाप्त हुन्छ । त्यसैको निम्ति मातृभाषा गीत गाउंछु त्यसैमा मन हलुका र आनन्द प्राप्ति हुन्छ ।
No comments:
Post a Comment