कीर्तिपुर नगरपालिकालाई भिंतुना/बधाई
कीर्तिपुर सन्देश साप्ताहिक संयुक्तांक ५१२ मा प्रकाशित मिति २०७८ असोज ६ गते बुधवार
किपू नगरपालिकालाई ६ वटा संगठनले सामुहिक रुपमा भिंतुना/बधाई दिने कार्यक्रम मंगलवार सम्पन्न भयो । कीर्तिपुर नगरपालिकाले कीर्तिपुर नगर सांस्कृतिक संरक्षित क्षेत्र घोषणा गरि आवश्यक कानुन समेत पारित गरी राजपत्रमा प्रकाशित गरेकोले नगरपालिकालाई बधाई कार्यक्रम आयेजना गरेको हो ।
सो कार्यक्रममा कीर्तिपुर सांस्कृतिक संरक्षित क्षेत्र घोषणा गर्न र कानुन बनाउनका लागि नगरपालिकाले गठन गरेको तयारी कार्यदलमा बसी संयोजकको जिम्मेवारी निर्वाह गर्नु भएका श्रीकृष्ण महर्जन, सदस्यहरु नरेश श्रेष्ठ, रामभोला महर्जन, उज्जल महर्जन र सुवर्ण महर्जनलाई धन्यवाद पत्र समेत दिइको थियो ।
मेयर रमेश महर्जनले विगतदेखि नै सांस्कृतिक सम्पदा क्षेत्रमा नगरपालिकाले कार्य गर्दै आएको बताउदै कीर्तिपुर सांस्कृतिक संरक्षित क्षेत्रको सवालमा ऐन अनुसार कार्य गर्नका लागी सबैसंग सहकार्य गर्दै अघि बढ्ने र तिहार सम्ममा संरचनाहरु निर्माण गर्ने समेत बताउनु भयो ।
नेवाः देय् दबू कीर्तिपुर नगर समिति, हलिं नेवाः गुथि किपू कचा, आदिवासी नेवाः जागरण अभियान कीर्तिपुर, हलिं नेवाः गुथि गःछेँ कचा, नेवाः विद्यार्थी युनियन र हलिं नेवाः गुथि अमल्सी कचाको संयुक्त आयोजनमा बधाई दिने काम भएको हो ।
No comments:
Post a Comment