‘होस याना जुइमा स्व’

 ‘होस याना जुइमा स्व’

—रमेश मान महर्जन 

धेवा मदुम्ह बाउचिया ग्वय् नयेमा

भा बेसा ठिकेसाँ भ्वय् नयेमा

सा व म्ये नापं खुसि छिइत

न्हापाहे बिचा याना स्वयेमा

समय काल व परिस्थिति स्वया

म्हग्स पू वंकेगु स्वयेमा

कतपिनि भरं म्वायेगु स्वया

थःहे सक्षम जुइगु स्वयेमा

थौ कन्हय् यापि मस्त धैपि

सुइगु छुहे भाः मदुपि

प्लस टू छगु पास जुलकि

विदेशय ब्वं वनेगु स्वैपि

न्हापाहे थुलि बुद्धि दुगु जूसा

छखा निखा छय्ँे दना तयागु जूसा

बालं बियाहे पालंयाये दैगु

सुखु धन्दा काय मालि मखुगु

आला झीसं सिकताक सित

थ्वहे सल्लाह विइ माःथ च्वं

काय मस्त दयकेगु स्वया

फसा छखा निखा छयँेहे दने माःथेंच्वं

च्याकु झिकु कोठा बालं ब्यूसाँ

महिनाय सुइद्वः पिइद्वः दाँ वै

काय छय छुइपिन्स मधासाँ

झीपिं मोजं च्वना नये दै

निम्ह प्यम्ह मचात हुर्के यायेत

आखः ब्वंका जागिर नकेत

कन्हे इमिगु कमाई नयेत

छेंँ बुँ हे ब¥हः मतसे मगाः

झी मस्तयत बिबाहा हे मयाःसा

परिवार नियोजन हे याये म्वाः

बिबाह यायेगु धेवा वैंकय तया

झी घ्यो व जा नयाः च्वंसांगाः

अले गन गन मंदु अन चाहिले दै

होटेलय् वना नःवने दै

तिनख्वाः तासं पुना जूसाँ

म्वानां च्वंतले मोज मस्ति याये दै

द्वलं द्व दाँ घाना जुइ दै

नखः चखःनं बालाक हनेफै

सुना मधाः धका धन्दा हे कायेम्वाः

थः मंदुथे खर्च याये दै

धेवा दुपि बुद्धि मदु पिन्सजक

कायपिन्त विवाह याना मचाखाचा दयकी

बुद्धिमानी मां वौपिं जुलकी

मस्त दयकेगु पल्सा छेहे दयकी

गुलि गुलि परिवार कम जुल

उलिहे खर्च बर्चनं कमहे जुइ

उकियाना इमिगु छेंजलय्

न्हयावले सुख शान्ति जुइ

इलय्हे झीसं बिचाः मयातकी

झीगु भविष्य हे अन्धकार जुइ

लिपा वैगु समस्या न्हापा हे बिचाः मयातकी

मां अबुं मस्यूगु दुःख सिइ

थ्व झीगु देशय न्हयागुं जुइ ज्यू

सकसिनं हेपेयाका च्वने मज्यू

थः ज्यूसा जक हे सकसिनं धाइ

ल्हा याकु प्याना च्वने मज्यू

थौकन्हे मस्तय्गु बानी सिहे स्यू

थःम्हं नके फतले जक धाइ

कमाइ दयाः वःलिसे इपिं

ब्यागलं च्वना नयेगु याई

आसया आसं निरास जुया च्वपि

थ्व झीगु देशय् यक्व हे दु

म्वानां च्वंतले वास्ता याइ मखुपि

सिकातिनि हे जक ख्वः वैपि दु

सीम्हला सिना वनका म्वाल

म्वाःम्वा दुःख विइपिनं दु

अजापिन्त सम्झे बुझे याइपि

माहा शत्रु जुयाः च्वपिनं दु 

न्हापा न्हापा जूसा जागिर त्वताः वलकि

महिना महिनाय् हे पेन्सन बिइ

थौ कन्हे झी जागिर मन्तकि

सकसिनं झीत टेन्सन जक बिइ

थौ कन्हे सकसिया छु जक हे पिर

हानाः मदय्का म्वाना च्वने म्वालेमा

न्हायकंहे स्वयम्वाः झीगु तस्विर

भाग्यमानि धायका सिना वनेदयमा

कलि यूग धैगु सिइका जक

ज्या याना वनेगु स्वयमा स्व

थ्व झीगु समाजय ल्वयका जुइत

होस याना पला छिना जुइमा स्व

    २०८०।०३।१३