निःशुल्क आँखा शिविर सम्पन्न

ने. सं. ११३३ यंलाथ्व षष्ठी बुधवाः २०७० भाद्र २६ गते  बुधवार Sep -11, 2013

 

निःशुल्क आँखा शिविर सम्पन्न

श्री वाघभैरव महिला समूह, कीर्तिपुरद्वारा गत भदौ २२ गते शनिवार एक दिवसीय निःशुल्क आँखा शिविर सम्पन्न गरिएको छ । युवा नेत्र सेवाको सहयोगमा आयोजित उक्त आँखा शिविरमा १ सय ८८ जनाले आँखा परिक्षण गराएका थिए । 

जसमध्ये ७ जनालाई मोतिविन्दु भइसकेको पाएको आयोजकले बताएको छ । तसर्थ ती ब्यक्तिहरूलाई थप परिक्षण आउदो असोज ५ गते नगरमण्डप श्री कीर्ति विहारमा बोलाएको छ भने सो स्थानमा आउदो असोज १२ गते उनीहरूको निःशुल्क अपरेशन गर्ने जानकारी उपचारमा खटिएका चिकित्सकहरूले दिनु भएको छ ।  उक्त आँखा शिविरमा निःशुल्क औषधि वितरणका साथै ब्लड प्रेशर परिक्षण एवं सामान्य समस्या देखेकालाई त्यही आँखाको नशा खुल्ने एवं औषधि हाली पूर्ण परिक्षण गरेको थियो । कीर्तिपुर नगाउँका उर्मीला डंगोलको नेतृत्वमा उक्त परिक्षणमा दुई जना डाक्टर लगाएत अन्य पाँचजना सहयोगिहरूको उपस्थिति रहेका थिए ।  श्री बाघभैरव महिला समूहले यस आँखा शिविरका लागि सहयोग गर्ने युवा नेत्र सेवा समूह, प्रचार प्रसारमा सहयोग गर्ने स्थानीय पत्र पत्रिकालाई धन्यवाद दिदै आगामी दिनहरूमा पनि यस्ता कार्यक्रम निरन्तर दिने जानकारी दिइएको छ ।