अंक ७७ ने. सं. ११३३ पोहेलाथ्व द्वादशी बुधवाः २०६९ माघ १० गते बुधवार Jan 23, 2013
कीर्तिपुर नगरपालिकाका कर्मचारीमाथि हातपात
आजकल काठमाडौंमा फोहर व्यवस्थापन एउटा समस्याको रुपमा रहेको छ । विभिन्न गैरसरकारी संघ÷ संस्थाले घरधुरीको हिसावमा शुल्क असुलेर फोहर उठाउने गरिएका छन । फोहर त उठाउँछ त्यो फोहर व्यवस्थापन गर्ने ठाउँको अभावले जथाभावी फोहर फाल्ने गर्दै आएका छन । यसै सन्दर्भमा कीर्तिपुर नगरपालिका वडा नं.१३ मोडर्न इन्डियन स्कुल जाने बागमती किनारमा फोहर फाल्ने गरिएको पाइयो । नगरपालिका क्षेत्रभित्र फोहर फाल्न नगरपालिकाको अनुमति लिनु पर्ने थियो । गत माघ ४ गते नगरपालिकाको अनुमति बेगर नगर क्षेत्र बाहिरको फोहर मोडर्न इन्डियन स्कुल जाने वागमती किनारमा फाल्दै गर्दा स्थानीयवासीहरूले बा १ क ८४३७ र बा २ ख ४२०५ ट्रिपर नियन्त्रणमा लिई कि.न.पामा जानकारी दिइयो । अपरान्ह ४.३० बजे न.पा. को अनुगमन टोली सो स्थानमा पुगी निरिक्षण गरी सो गाडीहरूलाई सचेत पत्र थमाई कारवाही गरेको छ । अनुगमन टोलीले सचेत पत्र दिंदै गर्दा स्थानीय किशोर कार्की सहितको समूहले न.पा.को संलग्नतामा सो फोहर डम्पिङ्ग भैरहेको भन्दै अनुगमन टोलीमाथि हातपात समेत गरेका थिए । अनुगमन टोलीले उक्त गाडीको सवारी धनी पत्र समेत नियन्त्रणमा लिई कारवाही अगाडी बढाएको छ । गाडीहरूलाई कारवाही गरिरहँदा पनि नगरपालिकाको संलग्नतामा फोहर फाल्न लगाएको भनी कर्मचारीमाथि हातपात गर्नुको पछाडी रहस्य लुकेको स्थानीयवासीहरू नै शंका गर्न थालेका छन ।
 |
| Click to read the magazine pdf |
No comments:
Post a Comment