शर्मिला राजभण्डारी जोशी(समाजसेविका) ः एक परिचय

 शर्मिला राजभण्डारी जोशी(समाजसेविका)  ः एक परिचय 

वि.सं. २०२६ असोज २६ गते आमा श्रीमती लक्ष्मी राजभण्डारीको कोखबाट बुबा श्री सानुभाई राजभण्डारीको स्वास्थ्य सहायकको रुपमा इलाम कार्यरत छँदा आफुले पृथ्वी अवलोकन गर्न पाएँ भन्दै आफुलाई संसारकै भाग्यशाली व्यक्ती मान्नुहुन्छ । आफ्नो सुखदुःख साटासाट गर्ने दिदी रिता राजभण्डारीको साथ पाएर दुनियाँ नै जितौं भन्ने आँट आफुमा अंकुरण गर्दै भाइ सुदर्शन राजभण्डारी स्नेहले जीवन सार्थक बिन्दुमा पुगेको महसुस गर्नुहुन्छ । आफ्नी दिदी रीता राजभण्डारी लाखे नेवाः दे दबू काठमडौं जिल्ला कार्य समिति सदस्य तथा नेवाः मिडिया क्लब काठमाडौंकी सह–कोषाध्यक्ष हुनु भई “कीर्तिलक्ष्मी” फिल्म तथा “जि वया ला लछि मदुनि” नाटकको कलाकार हुनुहुन्छ भनी गर्व गर्नुहुन्छ । साथै विगत ४० वर्षदेखि फोटो व्यवसाय लगायत पत्रकारितामा सुम्पिदै समाजलाई अग्रणी स्थानमा पु¥याउन सफल व्यवसायी नवीन जोशीको एकमुखे रुद्राक्ष हुन पाउनुलाई गर्वकै विषय मान्नुहुन्छ । वि.सं. २०४९ मंसिर महिनामा नवीन जोशीसँग उहाँको लगनगाँठो कसेको थियो । नवीन जोशी विगत १० वर्षदेखि Newa.T.V. HD का Director रुपमा कार्यरत हुनुहुन्छ भने कीर्तिपुर नयाँबजारमा उहाँको कलाकार स्टुडियो पनि छ । उहाँहरूको आँगन अभिनव (Football Commenter ) र सबिनव (Bachelor–IT जोशी दुई फूलहरुको सुगन्ध घरलाई स्वर्ग झै तुल्याएको छ । शर्मिला राजभण्डारी आफ्ना दुई रतन आ–आफ्नो पेशामा, शिक्षामा अग्रणी स्थान हुनुलाई गर्वको विषय ठान्नुहुन्छ  ।

  With life partener Navin Joshi

शर्मिला राजभण्डारीले आफुलाई प्रारम्भिक शिक्षा कीर्तिपुर मा.वि.बाट प्राप्त गर्न पाउनु जन्मथलो ऋण नै मान्नुहुन्छ भने त्यो तिर्नुपर्छ र त्यसको दक्षताको लागि आफुले B.A. तहको शिक्षाले आफुलाई सुसज्जित पार्नु भएको छ

। पद्मकन्या कलेजबाट बि.ए. गर्नु भएको थियो । उहाँ कीर्तिपुरकै रैथाने बाघभैरब अवस्थित सतक्वःमा हुर्किनु भएको थियो भने हाल श्रीमान नवीन जोशीको घर कीर्तिपुर–१० बाट आफ्नो जीवन यात्रा चलायमान बनाउँदै आउनु भएको छ । 

Family of Sharmila

उहाँले पेशा रुपमा विगत २५ वर्ष देखि फोटो व्यवसाय गर्दै आपसी साथ सहयोगको एक उदाहरणिय योगदान दिदै आउनु भएको छ । ६ वर्ष देखि पत्रकारितामा आफुलाई सक्रिय रुपमा समर्पण गर्दै समाजमा विद्यमान अन्धकारहरु निस्तेज बनाउँदै आउनु भएको छ । जीवन अहम् गर्न होईन् आफ्नो आफन्तले गर्व गर्नुपर्छ सोच्दै उहाँ विभिन्न संघसंस्थामा आवद्ध हुनुहुन्छ । 

१. नेवाः देँ दबू, काठमाडौ जिल्ला – सदस्य ।

२. नेवाः पत्रकार राष्ट्रिय दबू, काठमाडौ जिल्ला – सदस्य ।

३. नयाँ बजार क्लब तथा पलिस्था मयजु पुचः– कोषाध्यक्ष ।

४. कीर्तिपुर–१० – मेलमिलाप कर्ता ।

५. कीर्तिपुर–१० महिला सञ्जाल– सचिव । 

शर्मिला राजभण्डारी समाजको हित, शिक्षा र स्वास्थ्य सुरक्षालाई जीवनको ध्येय बनाएर अघि बढिरहेकी व्यक्तित्व हुन् । साधारण परिवारमा जन्मिएर निरन्तर संघर्षमार्फत अध्ययन आर्जन गर्दै आज समाजसेवा र उद्यमशीलता दुवै क्षेत्रमा सक्रिय रहनु भएको छ । महिला सशक्तीकरण, सीप अभिवृद्धि र आय–आर्जनका क्षेत्रमा पनि सक्रिय भूमिका निर्वाह गर्दै आउनु भएको छ । पारिवारिक जीवन र पेशागत उत्तरदायित्वलाई सन्तुलन गर्दै समाजलाई पनि समय दिनु उहाँको विशेषता हो जीवनका विभिन्न संघर्ष पार गर्दै आफूलाई सक्षम बनाएर समाजको सेवामा लाग्नु नै उहाँको उद्देश्य हो । “समाज भनेको ठूलो परिवार हो, जहाँ प्रत्येक सदस्यले आफ्नो क्षमता अनुसार योगदान दिनुपर्छ” भन्ने विश्वास उहाँको जीवन दर्शन हो । कीर्तिपुरका वीर योद्धा कीर्तिलक्ष्मीको चलचित्र हेरेपछि आफु पनि आफुले सक्ने क्षेत्रमा योगदान दिई विरंगना बन्न सक्छु भन्दै समाज रुपान्तरण आफु समर्पित भएको कुरा गर्नुहुन्छ । 

अन्तमा, शर्मिला राजभण्डारी जोशी, “जीवन भनेको सेवा, समाज भनेको परिवार” भन्ने विश्वासमा अघि बढिरहेकी प्रेरणादायी समाज सेविका हुन् । उहाँ कुनै पार्टीमा आवद्ध नरहेको जानकारीसँगै आफुसँग भएको ज्ञानले राजनीतिलाई निःस्वार्थ भावनाल समाज सेवा गर्ने सकारात्मक सोच मान्नुहुन्छ । समस्याको निकास खोजि विकास गर्ने अवधारणा नै पार्टी हुनुपर्छ भन्ने आफु विस्वस्त रहेको कुरा गर्नुहुन्छ । समाजले यी यस्ता सोच विचारलाई जीवन्त बनाई राख्न हौसला, उत्साह भर्ने गर्नुपर्छ । आराम, आनन्द, सुरक्षा एवम् खुशी संगमलाई शर्मिला नामको अभिप्राय मान्न सकिन्छ जुन समाजको लागि आवश्यक उर्जा हुन् । सद्भाव, सम्मान र उमंगले त्यसको खेती अनि उत्पादन गर्ने लक्ष्य समाजको हुनुपर्छ । यसलाई अहम होईन् गर्व ठान्ने गर्नुपर्छ ।

प्रस्तोता ः प्रशान्त महासागर