हिमाल कार्की ः एक परिचय
प्रस्तोता ः प्रशान्त महासागर
वि.सं. २०२७ बैशाख ०४ गतेका दिन सुभद्रा कार्की र लोक बहादुर कार्कीको आँगनमा भिमशिला जस्तो चट्टानले डेरा जमाउन पुगे । कसैको आगमनले गुलशन बागवान सावित भए । घरको जेठो छोरोको रुपमा जन्म लिनुभयो । उहाँको नाम हिमाल राखियो भने कुलले दिएको थर कार्कीले सु–सज्जित हुनुभयो । उहाँको साथ र सहयोगको लागि जय कार्की भाइ बनी आउनु सुनमाथि सुगन्ध बनी चारै दिशा फैलिन थाले ।
जीवनको सुख र दुःखलाई हरहमेशा आफ्नो छाँया बनाउने उद्देश्य स्वरुप उहाँले सुनीतालाई छान्नु भयो, वैवाहिक जीवनसँग नाता गाँस्नु भयो । श्रीमती सुनीता र उहाँको बगैचामा कृतीका, सहनसिला र साँग्रीला एवम् पर्वत कार्की जस्ता फूलहरूले फुल्ने अवसर प्राप्त गर्नुभयो । जीवन तिनै फूलहरूको लागि समर्पित गर्दै अनेकन कार्य व्यस्ततामा आफुलाई हिमाल झै अटल बनाई यात्रा गर्दै हुनुहुन्छ ।
शिक्षामा उहाँले स्नातक (व्यवस्थापन) २०५० सालमा आफुलाई दिक्षित बनाउनु भएको थियो । आफ्नो शैक्षिक दक्षता अनुरुप उहाँले राजनीतिलाई आर्थिक, मानवीय, खनिज, बस्तु, विचार, परिवार, समाज या राष्ट्रमा आउने जुनसुकै समस्याको उचित व्यवस्थापन र उत्थानको भूमिका नै वास्तवमा राजनीति हो, बुझ्नुहुन्छ ।
पेशाले उहाँ सफल व्यापारी हुनुहुन्छ । नेपाली काँग्रेस काठमाण्डौं जिल्ला सदस्य हुनुका साथै २०५४ सालको स्थानीय निर्वाचनमा उहाँ कीर्तिपुर नगरपालिका वडा नं. १२ बाट निर्वाचित वडाध्यक्ष हुनुहुन्छ । हाल उहाँ वालकुमारी मा.वि.को व्यवस्थापन समीतिको अध्यक्ष, अन्ध अपाङ्ग प्राविधिक तथा सिप विकास केन्द्रको महासचिव एवम् जाखा सहकारीको ऋण समीतिको संयोजकमा कार्यरत हुनुहुन्छ ।
जीवनको लक्ष्य र उद्देश्यलाई उहाँले राजनैतिक उद्देश्य मान्दै अवसर प्राप्त भएको खण्डमा समाजमा रहेका विभिन्न समस्याहरूका समाधान खोज्दै जनतालाई आवश्यक भौतिक, सामाजिक एवम् आर्थिक उन्नतिमा समर्पित हुने विचार लिनु भएको । सत्ता र शक्तिको दुरुपयोग नगर्ने लक्ष्य र उद्देश्य उहाँको रहेको छ ।
त्यस्तै कर्तव्य र दायित्वका सवालमा जनताका हरेक समस्याहरू जस्तै कि आर्थिक, सामाजिक, भौतिक एवम् राजनीतिमा हातेमाले गरी समान रूपमा अवसर र सर–सहयोग गर्दै स्वास्थ्य, शिक्षा, विकास र रोजगारीमा निःस्वार्थ रूपमा आफ्नो स्थानबाट सहभागी तथा सहयोगी बनी कर्तव्य र दायीत्व पुरा गर्नुपर्छ, विचार राख्नुहुन्छ ।
उहाँ कीर्तिपुर नगरपालिका वडा नं ५, कौन्याचौरका एक स्थायी बासिन्दा हुनुहुन्छ भने आफ्नो क्षेत्र र विचारमा हिमाल झै अटल हुनुहुन्छ । एक भिमशिला झै हुनुहुन्छ ।
कीर्तिपुर सन्देश साप्ताहिक अंक ७०७
No comments:
Post a Comment