झीगु तिबः सहकारीद्वारा प्रशिक्षण

अंक ८२ ने.सं. ११३३ सिल्लागा दुतिया बुधवाः २०६९ फागुन १६ गते बुधवार Feb 27, 2013

झीगु तिबः सहकारीद्वारा प्रशिक्षण

सहकारी भन्नाले पैसा संकलन गर्ने र ऋण प्रवाहर गर्ने मात्र हैन, सहकारीले सामाजिक काममा पनि योगदान पु-याउन सक्छ भन्ने धारणालाई जिवन्त पार्दै कीतिपुर नगरपालिका वडा नं. ९ शहीदपद स्थित झीगु तिबः बचत तथा ऋण सहकारी संस्थाले आफ्नो क्षेत्रका वासिन्दालाई प्राथमिक उपचार तालिम दिइएको छ । 

नेपाल रेडक्रस सोसाइति कीर्तिपुर उपशाखाको सहयोगमा सहकारीले गत फागुन ५, ६ र ७ गते तीन दिने प्राथमिक उपचार सम्वन्धि तालिम दिइएको थियो । उक्त तालिममा १७ जना महिला र २ जना पुरुष गरि १९ जनाको सहभागीता रहेको थियो । 

तालिमको अन्तिम दिन फागुन ७ गते सहकारीका अध्यक्ष श्रीकृष्ण महर्जनको सभापतित्वमा एक कार्यक्रम गरि प्रमुख अतिथि नेपाल रेडक्रस सोसाइति काठमाण्डौं जिल्लाका निवर्तमान मन्त्री संघरत्न शाक्यले सहभागीहरूलाई प्रमाणपत्र वितरण गर्नु भएको थियो ।