Friday, December 14, 2012

नगाउँमा सम्पदा क्षेत्र सरसफाई कार्यक्रम तथा फोटो प्रदर्शनी हुने

ने. सं. ११३३ कछलागा चःह्रे बुधवाः २०६९ मंसिर २७ गते बुधवार Dec - 12, 2012

नगाउँमा सम्पदा क्षेत्र सरसफाई कार्यक्रम तथा फोटो प्रदर्शनी हुने

लायन्स क्लब अफ काठमाडौ कीर्तिपुर र लियो क्लब अफ काठमाडौं कीर्तिपुरको संयुक्त संयोजकत्वमा, कीर्तिपुर नगरपालिका र विभिन्न संघ संस्थाहरु तथा स्थानिय जनताहरुको सहयोगमा  मिति २०६९ श्रावण महिना देखि हरेक महिना की.न.पा. र मच्छेगाउँमा गरि जम्मा १२ वटा सम्पदा क्षेत्रमा “सम्पदा क्षेत्र सरसफाई अभियान” संचालन भै रहेको छ । सम्पदा क्षेत्र सरसफाई कार्यक्रममा सम्पदा क्षेत्र तथा सम्पदा मार्गको सरसफाई र सम्पदा संरक्षणको लागि जनचेतनामूलक कार्यक्रमहरु संचालन गरिदैं आएको छ ।

“सम्पदा क्षेत्र सरसफाई अभियान” अन्तर्गत बाघभैरव स्थान, मच्छेनारायण मन्दिर क्षेत्र, उमामहेश्वर मन्दिर क्षेत्र, इन्द्रायणी क्षेत्र (पिगं), आदिनाथ मन्दिर क्षेत्रमा सरसफाई कार्यक्रम सम्पन्न भै सकेको छ । न्हय् गां जात्रा ( सात गाउँको जात्राको उपलक्ष्यमा यहि २०६९ मंसिर ३० गते विहान ७ः३० बजे देखि विहान ९ बजे सम्म नगाउँको बालकुमारी मन्दिर क्षेत्र, पिगं लगायत नगाउँव्यापी सरसफाई कार्यक्रम संचालन हुने भएको छ । सरसफाईपछि नगाउँको लाछीमा विहान १० बजे देखि दिउँसो २ बजेसम्म कीर्तिपुर क्षेत्रको धार्मिक, सांस्कृतिक तथा पर्यटन महत्वका क्षेत्रहरुको फोटो प्रदर्शनी

न्हय्गाः जात्रा ( सात गाउँको जात्राको फोटो सहित) तथा गथु प्याँख सम्बन्धी फ्लेक्स फोटोहरु प्रदर्शन गरिनेछ । साथै विहान १०ः३० बजे नगाउँको “धाल्चा खाकेगु जात्रा” को भिडियो प्रदर्शन गरिनेछ । सरसफाई कार्यक्रम तथा फोटो प्रदर्शनीको तयारीको लागि बाल कुमारी बचत तथा ऋण संस्थाका उपाध्यक्ष सादुराम महर्जनको संयोजकत्वमा आमा समूह तथा संघ संस्थाका प्रतिनिधिहरु समेतको ८ सदस्यीय तयारी समिति गठन गरिएको छ ।

न्हयगाः जात्रा (सात गाउँ जात्रा)को उपलक्ष्यमा आ(आफ्नो क्षेत्रको सम्पदा क्षेत्र तथा टोल सफा राख्नको लागि लायन्स क्लब अफ काठमाडौं कीर्तिपुरका अध्यक्ष रबिन्द्र बहादुर प्रधानले अनुरोध गर्नृुभयो ।

1 comment:

  1. म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन

    ReplyDelete