कीर्तिपुर सन्देश÷
कीर्तिपुर क्षेत्रको नमूना विद्यालयको रुपमा रहेको पाँगा स्थित जनसेवा मा.वि.को ब्याडमिन्टन कोर्टमा कभर्ड हल निर्माण गर्ने भएको छ । उक्त हल निर्माण गर्न कूल लागत रु. २२,१८,२६३÷ लाग्ने भएको छ । उक्त रकम मध्ये वि लभ यू फाउण्डेशन We love you foundation ले रु.१५,००,०००÷ सहयोग गर्ने भएको छ ।
उक्त हस्ताक्षर कार्यक्रममा जनसेवा मा.वि.का निर्माण समितिका संयोजक ई.दुर्कमान महर्जनले कभर्ड हल कसरी बनाउने र कस्तो किसिमको हुनेछ भन्ने विस्तृत जानकारी दिनु भएको थियो ।
फाउण्डेशनका तर्फबाट अध्यक्ष शोभाकर घिमिरेले संस्थाको परिचय दिनेक्रममा यो अन्तरर्राष्ट्रिय संस्था हो, यसले विभिन्न भूकम्प पिडित, बाढी पिडित लगायत दैवी प्रकोपमा परेकाहरुलाई सहयोग गर्नुका साथै सरसफाई सम्बन्धी काम गर्दै आइरहेको बताउनु भयो । त्यस्तै सामुदायिक विद्यालयहरुको स्तरोन्नतिको लागि पनि काम गर्दै आइरहेको बताउँदै जनसेवा मा.वि. पनि सामुदायिक विद्यालय भएकोले हावा हुरी र पानीले पनि ब्याडमिन्टन खेलाडीहरुलाई असर नगरोस भन्ने हेतुले यो सामुदायिक हल निर्माण गर्न सहयोग गरेको बताउनु भयो ।
प्रमुख अतिथि मेयर रमेश महर्जनले ११ वटा नमूना विद्यालय मध्ये जनसेवा पनि नमूना विद्यालयमा पर्नु कीर्तिपुरकै गौरव हो । सामुदायिक विद्यालयहरुको जिम्मा नगरपालिकामा आइसकेको हुँदा छलफल गरेर आवश्यकता अनुसार सहयोग गर्दै जाने बचन दिनुभयो ।
No comments:
Post a Comment